麗島小廚 (Closed)

Set Lunch款式多，我哋三個人一人揀一款然後share食，我哋揀咗魚香茄子、豉汁蒸䱽魚同埋剁椒肉鬆蒸豆腐，呢度嘅份量都幾多，我覺得四個人食都絕對足夠有餘。 lunch time時間一坐低侍應就送上每人一碗例湯，今日係紅蘿蔔合掌瓜粟米煲豬骨，呢碗例湯冇味精，真係好正。佢嘅set lunch除咗你揀嘅送之外仲會跟一碟菜，魚香茄子用小砂鍋上，食嘅時候仲熱辣辣，冇乜油果下好。豉汁蒸倉魚嘅豆豉好香，條魚又大條又新鮮。剁椒肉鬆蒸豆腐嘅肉鬆其實即係肉碎，啲豆腐好滑，又唔會好辣喎。個餐仲跟埋嘢飲，都幾抵食。