皇庭匯 (Closed)

今晚有親戚喺外國返港，所以我們帶咗他們去「皇庭匯」旺角店食晚飯！我們叫咗「皇庭匯」新推出嘅超優惠套餐「半席」！個套餐有燒味金裝大拼盤、錦醬豚肉影花姿、黃金芝心百花球、海皇花膠鷄絲翅、翡翠新鮮龍躉球、瑞蒸海龍躉頭腩、鮑汁海螺扒菜苗、芝麻脆香黃金鷄、瑤柱蛋白炒飯同精美美點！錦醬豚肉影花姿嘅豚肉非常爽口，花姿亦鮮嫩彈牙！黃金芝心百花球裡面嘅芝士非常香滑，百花球嘅蝦膠非常新鮮，肉質彈牙！海港花膠鷄絲翅非常足料，啖啖都有花膠同翅，真係真材實料！芝麻脆香黃金鷄炸得皮脆肉嫩，火候啱啱好，唔會過火過韌！瑤柱蛋白炒飯炒得鑊氣十足，粒粒分明，非常香口！咁多嘢食一席（12位用）$1688，半席（6位用）$888咋！呢個係全包價，無收加一！仲有韓國鮮橙汁送，真係超抵食呀！