大叻越式料理 (Closed)

尖沙咀近年開咗好幾個大型商場, 間間都有好多出名既餐廳座陣, 今日行開尖沙咀, 無意間走入呢間越式餐廳, 本人最鍾意食濃味嘢, 所以一見倒MENU有喇沙, 即刻唔駛諗, ORDER咗一碗先, 我朋友就叫咗碗火車頭河粉, 仲叫咗客咩"健康油菜"添!首先嚟既係油菜, 佢真係好鬼死健康, 因為係白煮, 咩味都冇, 不過佢有一小碟好似菜湯咁既嘢俾你點啲菜嚟食, 好神奇, 條生菜點一點咗啲湯之後, 居然超鮮甜, 我同我朋友都覺得好神奇同好驚喜之後我朋友碗火車頭湯河嚟到, 佢食咗一口之後話OK啦~! 不過天后嗰間好味啲, 因為呢間啲湯唔夠濃喎...最後主角上場(我自己認為), 喇沙.....可以形容既係.....喇沙湯底最緊要, 佢不單只有好濃郁既蝦湯味, 無論係椰奶同椰糖味都落得洽到好處, 仲帶少少辣味, 因為食過好多喇沙, 之前嗰啲唔係唔夠椰奶, 就係唔夠椰糖, 一唔係就唔夠辣, 呢間真係味度十足, 再加上一個令我一食就愛上佢既原因係....喇沙裡面啲蝦, 嘩! 係有頭有殼既新鮮蝦, 食落爽口彈牙, 唔似得其它啲餐廳咁用埋晒啲爛鬼雪蝦, 佢仲要一碗喇沙裡面有四大隻呢啲咁既新鮮蝦, 都係用料十足