CoCo壹番屋 (朗豪坊)

Open Now

Now Closed

獨自去朗豪坊，肚餓除咗去food court 都唔知去邊好。好在朗豪坊嘅food court 質素有返咁上下，日式、韓式、東南亞、港式都有。今日特別想食咖哩烏冬，所以就去幫襯COCO 喇！作為一間日式咖哩連鎖店，佢啲咖哩款式都幾多吓，而且都啱大眾口味嘅！嚟幫襯食咖哩，最怕係俾啲咖哩汁整污糟件返工衫，COCO 喺呢方面好細心，攞餐時會主動咁俾件一次性圍裙俾你。落order 時會同你講明咖哩底會有牛肉（怕有人唔食得牛肉嘛！）。所以如果想食平啲嘅話，下次可以點野菜咖哩烏冬。而我今日就點咗吉列豬扒咖哩烏冬試一試。吉列豬扒咖喱烏冬咖哩湯底味道香濃，係鹹辣口味，湯底有牛肉，野菜，淨食都好多料。烏冬係粗身嘅，非常掛湯。吉列豬扒即叫即炸，非常脆口，肉質偏瘦但唔乾身。超出預期。＋$10跟餐有汽水。食完飽晒以快餐嚟講，COCO 啲咖哩屬於中等水平，口味大眾化，冇乜驚喜但勝過家常。