天ぷらまきの

Open Now

Now Closed

呢個星期想食吓天婦羅，怕上火嘅筆者叫咗醬漬三文魚配天婦羅雞蛋丼，醬漬三文魚唔只大份，而且好新鮮，油香味好夠，估唔到配搭外脆內軟嘅天婦羅蛋幾夾，而且兩樣都好好配飯！天丼配蕎麥麵呢個碳水化合物組合非常日式，但蕎麥麵同汁個種清新好適合油份重嘅天婦羅。呢度嘅天婦羅都係熱辣辣上菜，又唔會有油益味，配搭菇類、南瓜等軟身食材，口感好豐富，特別鍾意呢個set入面嘅魷魚天婦羅。紫蘇牛柳係另一個驚喜，紫蘇味唔勁，筆者討厭紫蘇，但都覺得唔錯。海苔明太子新鮮，不過因為明太子本身幾咸，如果想試嘅話，記得要留返幾啖飯送住食。菠蘿梳打唔會酸，解油膩一流。個人覺得性價比唔算低，而且就算怕熱氣都有刺身類或其他丼類食物可選擇，可以再戰。