1111 ONES Restaurant and Lounge

Open Now

Now Closed

呢間餐廳係上司介紹，個晚餐餐牌就$1088起，15grams oscietra caviar同埋廚師介紹嘅招牌菜羊肚菌要另外加錢，原本諗住同老婆加一份兩位食就算，最後決定每人一個係正確嘅。經理介紹menu時得知好多食材都取自本地或者附近亞洲區，仲有餐廳喺香港自己有農田，仲會喺餐廳裏面種菇🍄‍🟫喺菜式裡面使用，我老婆特別鍾意呢款modern european X asian菜系。用餐期間我自己需要用洗手間，擰轉頭起咗一半身已經有餐廳職員靠近並主動帶路。成餐飯總括嚟講我哋兩公婆滿意度高，唯一就係預約時餐廳問我需唔需要要預訂一份乳鴿威靈頓話係佢哋招牌菜，我就話唔需要，但見到隔籬枱點咗我我早知都要一份，不過就要下次先試到。食物同環境相當對得住價錢，服務我會形容係最好之一，非常貼心！