嘉寶漢堡 (和益中心)

Open Now

Now Closed

嘉寶未轉去新舖頭之前都有一路幫襯開，以前舖頭好窄好細，宜家轉左大舖之後座位多左又寬闊了不少，可以坐低舒服地享受成個漢堡包。🍔😊✨烤菇芝士牛堡每次黎都例牌必點的漢堡，中間夾左好多餡料，有大大個的燒烤菇、芝士同厚身的牛肉漢堡，仲有大量新鮮生菜蕃茄，疊到個漢堡包超厚。牛肉同大啡菇十分juicy ，漢堡扒有肉味又唔會好多肥肉，肥瘦比例適中。🍄🍄✨香煙肉蘑菇芝士牛堡朋友點了煙肉牛堡，煙肉烤得好香脆，配上惹味濃郁的香辣燒烤醬，變成了另一風味。🍔🥓加錢可配套餐，包罐裝汽水或熱飲，還有薯條或薯格。見到餐牌加5蚊可以轉做蕃薯條就試一試，蕃薯條本身甜甜地再加上面頭少少鹽巴一齊食幾好味，而且一包份量都唔少，好似食極都仲有咁🤣🤣薯格質素都正常，炸到脆身食落都夠熱。✨香脆粟米片雞塊另外值得一提喺佢地既雞塊小食，加10蚊就有3塊。雞塊細細件但就炸到好脆，面頭有脆脆粟米片令口感更特別，入面既雞肉都夠味同埋唔乾！