Butlery

Open Now

Now Closed

今日咁啱去咗沙田，就問住沙田嘅朋友有咩餐廳好介紹，大家都不約而同介紹咗呢間Cafe，話又靚又好食，咁就一於嚟試吓啦。估唔到6:30嚟到，但係門口已經人山人海，如果要嚟真係要早啲拎位啊。佢呢度嘅出面環境裝修好靚，好有外國風，望入去見到入邊有好多聖誕裝飾，真係好有聖誕氣氛。一坐低，呢度雖然好多人，但係座位都好舒服好闊落。而且天花板仲吊住好多聖誕老人嘅裝飾，真係好可愛。我叫咗個烤三文魚risotto，一上湯台就見到隻溫泉蛋好靚而且三文魚都好新鮮，魚肉好嫩滑，而且味道好香好開胃。另外我仲叫咗個節日限定嘅開心果班戟，佢既賣相好可愛，好似唐老鴨背面咁。而且佢食落唔會有好膩嘅感覺，味道唔會太甜，襯埋生果真係好好食呀。呢間Cafe又平，而且賣相又靚，味道仲好好添，唔怪得咁多住沙田嘅人都介紹啦。我唔鍾意。