Don X Sushi Generation (Closed)

同朋友仔黎試下呢間零負評嘅餐廳一入內，見到無人仲驚一驚原來別有洞天，樓上雅座餐牌都好多選擇我同朋友仔都揀左自選十八切刺身飯！挑戰選擇困難症！點餐另有一張材料表，除左預定選項，仲有其他時令材料，用日文寫左出黎不過就要難為侍應要不斷重複俾我聽了，真係記唔住呀😛😛揀好左就送上前菜係帶子裙邊同野菜沙律仲有魚味噌湯黎到喇！賣相勁靚，超豐富！壽司飯不會酸，連芥末都係鮮磨㗎！刺身相當新鮮，白身魚魚味清甜，好味呀！份量好多，每一口都可以同刺身同食，好滋味！食食下留意到隔離枱叫左松葉蟹飯原來係超驚喜㗎！早知我又叫啦不過期間限定，下年先再有了食完仲有甜品小泡芙添！