翠華餐廳 (Closed)

#小秘書 今日晨咁早就要返office開會，一心諗住搞掂晒啲嘢就落去食個 #大早餐 啦🍴因為時間唔係太多，唯有搵就腳嗰間「翠華」... 雖然 #小秘書 對上次 #外賣 嗰個 #超油膩 #墨西哥包 仲有啲戒心，不過諗住當時佢仲係 #試業 當中，幾個禮拜之後應該會有進步... 點知都係咁上下啦🤪八點過後，應該係早餐最旺嘅時段，不過都只不過係坐滿咗近門口嘅卡位，成間茶餐應有種冷冷清清、怪怪嘅感覺😅 不過都已經坐低咗，冇理由又走🧐 我叫咗個「早餐B」#沙嗲牛肉麵 跟 #煎雙蛋 併 #迷你豬仔包 + #茶走。聽起來好似好豐富啦，點知 #煎雙蛋 就嚟錯咗 #炒蛋，我要求換啦... 不過☕️ #服務員 又好似嫌我煩咁、㗩一聲就行走咗😌 咁我唯有食住 #沙嗲牛肉麵 先啦，超咸嘅口味 比 #沙嗲醬 搶鏡，根本享受唔到箇中香味😅 #茶走 個 #茶膽 又唔夠濃😅 成餐我覺得正常啲嘅只係對 #煎雙蛋🐣 我係咪要求嚴格咗啲呢？