翠華餐廳 (Closed)

今日好開心～去翠華食下午茶餐嘅時候，發現原來最近除咗出咗XO醬。最啱就係疫情喺屋企嘅時候點下燒賣～魚蛋～煮米粉嘅時候+2啖真係快活過神仙!一打開嘅時候聞到濃濃的鹹香味，一夾起已經見到大大粒嘅蝦米!再配上白雪雪脹卜卜嘅燒賣。令到成件事提升左一個層次。瑤柱一條條完整分明～十分之有口感。實在10分抵食呀！而且調味啱啱好～而且最近翠華做緊優惠價$79，仲會加送潮州辣椒油一樽)😍😍😍真係抵到爆炸我決定聽日要再去買多幾支先啦⋯⋯

翠華愈開愈少，呢間既menu唔係平時街個D翠華😑，行fushion路線，少左好多choice🥲，趕時間焗住係到食。Set lunch包湯包野飲，再包個甜品。咖哩牛腩配珍珠飯勁大碗飯！咖哩味濃，但辣味就唔太夠。牛腩都幾大兜，多到食唔哂，好飽！12:45前埋單有9折，ok既。

因為想保持身體健康嘅關係，一般來講我都會skip早餐。不過有時亦都因為工作關係，需要同同事落去樓下餐廳坐低飲杯咖啡傾少少嘢話說有一次陪同事去咗翠華，見到隔離枱嗌左份魚柳早餐，就比佢深深咁吸引着。直到上個星期，我想去叫呢個魚柳早餐，點知佢竟然話今日冇魚柳，好失望不過去到今個星期，我終於食到一次雨柳做餐喇！其實份魚柳早餐冇乜特別賣點，唯一嘅賣點就係超超超超超大塊魚柳，外表炸得趣，入邊魚肉又軟林林，加埋個炒滑蛋，同埋兩塊麵包，基本上飽到連lunch都唔使食。餐後感：喺九龍灣來講$40嘅早餐比比皆是，但係飽到連lunch都唔使食嘅早餐，又真係比較少見

在網上尋找呢間新開既餐廳，店面真係超大。原來佢入到最盡仲有個隱蔽d既空間，岩哂同朋友傾密計啦。飲品選擇多，特飲都唔錯。有一款叫btw 既Pizza真係幾特別haha。呢日唔飲得凍野，於是叫左d養生野，又幾好wor，唔會好甜。咁熱既天氣個fd忍唔住叫左杯柚子特飲，飲完爽哂。最近睇太多韓劇，食番d韓國野思鄉，溫泉蛋牛肉石鍋飯令人回味，醬汁好香。仲有邪惡既流心蛋，d汁流哂出黎啦。另一個係泡菜海鮮炒年糕，冇想像中咁辣，年糕都好有咬口。鍾意食雞翼既我覺得呢款柚子雞翼個醬真係夠哂吸引。同埋薯條都好多呀，一定要趁熱食。之後係pizza!!雖然冇叫到btw,叫左煙三文魚薄餅，真係熱辣辣勁正。總括而言，都冇諗到呢度都坐得幾舒服，野食都唔錯既。

朋友這天帶了我到這間環境舒適又安靜的餐廳，空間真的很大。裡面還有一個室內露台空間，陽光透進來，感覺很寧靜的小空間。餐點款式多，而且還有9折時段優惠。咖哩飯的賣相看來不錯，真的想了很久吃什麼呢。飲品方面，我們點了柚子檸檬梳打，賣相很吸引，十分清涼。另外一杯是生磨蛋白杏仁茶，沒想過這裡的杏仁茶也不錯，味道濃郁。石鍋飯有很多款式，我們選了溫泉蛋牛肉石鍋飯，份量足料，而且味道不錯，牛肉非常嫩滑。我們還點了泡菜海鮮炒年糕，這個很惹味，令我和朋友都吃過不停。小食方面，這次點了柚子雞翼和黑松露炸薯條，柚子雞翼醬汁香濃，肉質也很嫩。炸薯條亦都很足料，表面也有不少黑松露粒。煙三文魚薄餅外脆內軟，表面冇很多芝士，超級邪惡。最後是甜品，是朱古力心太軟流心蛋糕，我是為了它的外型而點的，賣相很好。總括而言，這間餐廳環境舒服，特別是有比較隱蔽的位置，十分適合和朋友聊天。

上到去2樓，見到翠華姐姐向我揮手先黎個餐前西湯潤一潤喉，仲有個有我最愛火箭菜沙律BTW 手拉pizzatoppings有煙肉，火腿同菇，上面再加隻溫泉蛋係面so juicy雪耳人蔘雞燉湯 +炒粉絲甘香既人蔘湯，再加埋軟綿綿既雞肉，好想一口氣飲哂炒粉絲調味唔錯，唔會太鹹黑椒肉眼扒味道OK，但係比較難切開，side dish 既係薯菜都好好味再加多杯檸樂，所有暑氣消失了另外值得一讚既係，清潔衛生做足，不時分區消毒

We went to this place because there is no much people in this centre in weekends, so we don’t need to wait for seats.There are a lot of dishes to choose.As a pizza lover, I surely pick a pizza which has an egg on top. The taste was fine, I think it can be more tasty with more cheese and tomatoe sauce on it.We also picked “人蔘chicken soup” the soup was nice, strong flavour of 人蔘.We also ordered a steak, but it is a bit rough. Overall, the environment and food are ok.

𝟸𝟶𝟸𝟷 𝙹𝚞𝚗為約約朋友食Lunch,去到你公司附近食~算我有心喇掛😂😂 又估唔到呢到幾多野食喎！太多花多眼亂、 我就隨意入左黎 Tsui Wah ~ 裝修好靚好舒服～ 落地大玻璃～ so chill ~ 我地叫左2個 set lunch ~ 香草蕃茄大蜆天使麵🍝睇相都見到足料～真係好多蜆～ 加左蕃茄帶甜～ 另外就係泡菜豬肉絲炒粉絲粉絲係我至愛～ 仲要炒得咁香、 忍唔住食晒成碟丫 Set Lunch ~ 有湯有野飲, 全得舒服～仲要呢到咁好view !! 超抵食～📍翠華餐廳 (九龍灣)九龍灣海濱道77號海濱匯2樓1號舖

一直以來茶餐廳俾我感覺係快食之選，估唔到俾我搵到一間茶餐廳可以 chill 住品嘗，而且食物高質翠華引進韓食 menu，令茶餐廳註入新氣象。近窗位置陽光充足，打咭一流。配上美食賞心樂事。溫泉蛋牛肉石鍋飯🥘賣相吸引，材料新鮮份量足，飯質軟硬適中，，溫泉蛋蛋味香，有畫龍點睛之效👍🏻韓式汁醬豚肉炒年糕🍲年糕口感煙韌，豚肉肉質爽口，肉脂平均，不錯之選韓式芝士炸雞🫕炸雞香脆啖啖肉，滿滿一碟拉絲芝士，仲夠點其他食物，太慷慨了吧朱古力流心心太軟🍫外脆內軟，切開朱古力漿即流出，不太甜，配合雲呢拿雪糕無得輸，食完想 encore 走甜藍荳花檸檬茶🍋紫藍色十分吸睛，藍荳花+檸檬，雖然走甜，但藍荳花自身有甜味，酸甜味令此飲品更出色總結：唔單食物水準高，呢間翠華環境更可作拍拖之選，幫另一半影靚相話咁易

難得阿仔休息一天，weekend 唔洗練波，一拖二帶埋仔女出去搵食。知道翠華有韓風 menu, 一於齊齊去試。近近地去九龍灣，美食+美景確實令人胃口大增。黑松露炸薯條餐前小食，薯條鬆脆，加埋黑松露，食到唔停口溫泉蛋牛肉石鍋飯唻到熱焫焫，放底時仲聽到石鍋飯底的爆聲，材料十足，飯焦十分香脆，增加口感韓式芝士炸雞熔岩芝士拉絲，睇得玩得又食得，芝士味濃郁，配炸雞一絕藍荳花檸檬茶 (走甜)有驚喜，大大杯，走甜後反而令藍荳花的香味更突出，配上檸檬酸甜味，酸甜恰到好處，讚👍🏻朱古力流心心太軟即焗心大軟，與雪糕冷熱交替，流心朱古力甜而不膩，必試之選

翠華去完海濱長廊行吓之後，發現原來海濱會都好多嘢食，咁啱見到原來佢話開咗間新嘅西餐廳好奇下所以一試千島海鮮薄餅佢哋嘅薄餅人手製作，薄餅皮非常之薄，而且焗起上來卜卜脆，當我哋用Pizza到此開嘅時候仲聽到拍拍聲夠正平真係真材實料，配上八爪魚同大蝦，簡直冇得彈心太軟食完西餐當然係要食個甜品慶祝吓啦，佢哋心太軟真係太大件，而且做到留心嘅效果食落去朱古力味好重，好吸引😘估唔到做開冰室嘅翠華，轉左營造西餐其實都唔錯，喺環境舒適又開心嘅情況下我同朋友過咗一個好愉快嘅下午

去完海濱咁岩比我見到翠華諗住食個快飯😬，一向比人感覺都係傳統嘅港式餐廳，今次竟然唔係港式茶餐，而有多種菜式選擇👍🏻！賣相同味道令人surprise 😃。食物 + 靚景唔單止令成個lunch 都好嘆，價錢仲好抵😳，有啲唔相信 咁高質嘅餐廳 有咁嘅價錢👍🏻第一道菜叫咗「自家製香草醬海鮮薄餅」 ，$78 包咗pizza，湯或沙律，仲配埋野飲同甜品😨。沙律份量唔算少，作為前菜都唔錯呀，自家手工薄餅嘅味道都好好👍🏻，超足料，有晒蝦，魷魚同青口仔😋！另外+$8可以配特飲，今次叫咗生磨蛋白杏仁茶，一杯好飲嘅蛋白茶，好少餐廳可以做到，估唔到呢到會飲到，超多蛋白勁有口感，仲要唔甜！最後送個奶凍都唔錯😃，成個set真係物超所值👏🏻👏🏻另外仲叫咗「蒜片辣椒欖油大蝦扁意粉」，開頭以為只喺1-2粒大蝦，估唔到有5隻咁多，意粉份量仲好多😂！overall 呢款真心唔錯，好香蒜味！除咗主菜，仲叫左啲小食😃，見到manu個「韓式芝士炸雞 」，心諗個芝士有無咁多呢？原來真係有⋯！芝士控會超like👍🏻，炸雞都炸得好香口，撈埋超多芝士好正😍。真心推介！今次呢餐lunch 令人好滿足😋

翠華以往都喺以港式餐作為賣點，估唔到位於九龍灣海濱匯嘅分店竟然有中意韓菜😱！以為接近海濱嘅人流比較少❓無諗過都幾多人入去食嘢😮！入到去侍應都好有禮貌🤵🏻，最重要場地竟然有落地玻璃🌉，陽光充足🌞，座位仲好闊落添，感覺上呢個Lunch好慢活😚。到望餐牌個陣，估唔到星期六都有Set lunch，價錢💰仲好抵添呀！⏰用餐時間：2小時👯‍♀️人數：2人💰價錢：$350🔸🔸🔸🔹🔸🔸🔸1️⃣ 自家製香草醬海鮮薄餅 🍕$78叫咗翠華呢個手工薄餅，賣相唔單止好得，仲好足料🐙🦐，好夠芝士🧀❗️食落仲好軟熟😆，同出面餐廳食嘅手工pizza有得揮，果然喺人氣薄餅‼️十分推介呢個抵食薄餅💯。2️⃣ 韓式芝士炸雞 🐥 $40見到一碗濃濃嘅芝士已經流晒口水🤤（仲好肥呀🐷！），好少好少餐廳有咁大碗芝士比你點🧀🧀🧀❗️厚厚芝士配上即叫即炸嘅炸雞真係好正。炸雞炸得岩岩好，外脆內軟，又喺翠華人氣菜之一‼️3️⃣ 鮮蝦雜菜沙律配柚子柚醋汁 🥗$78沙律 + 熱辣辣嘅夏天喺perfect match🌝。沙律配上酸酸甜甜嘅柚子油醋汁好令人開胃‼️4️⃣ 蒜片辣椒欖油大蝦扁意粉 🍝🦐 $82呢款菜好香蒜味😋，配菜勁足料，見到大大隻肉蝦，啖啖都係肉😍，意粉又唔

翠華喺海濱匯的新店，Menu 有別於其他分店，加入咗韓式食物，好有新鮮感😍 而且lunch set 包沙律或者餐湯、主食、甜品及飲品，感覺唔錯，幾抵食👍🏻 我地一人叫咗一個set~ 沙律/ 餐湯沙律非常清新，份量足料👍🏻 是日餐湯係羅送湯，非常多蔬菜配料，好味😋溫泉蛋牛肉石鍋飯 $78賣相靚👍🏻 熱辣辣，自己加入醬汁，之後拌均飯和配料食用，好好味呀！好香，少少辣，非常惹味😋豚肉炒韓式粉絲 $76好多片豚肉呀😍 賣相都好吸引👍🏻 味道果然好味😋 炒得又香又入味，正👍🏻韓式芝士炸雞 $40炸雞好香脆，單食味道都唔錯，芝士汁好正😍 完全係拉絲芝士，非常濃厚！🤩 配上炸雞，真係一流😋👍🏻 甜品奶凍，味道唔錯，唔會好甜~

今次同朋友去九龍灣海濱公園，之後去咗海濱匯2樓嘅翠華餐廳食飯，依度環境好大而且裝修好靚，仲有好多落地玻璃睇到外面嘅靚景。今次叫咗香煎T骨牛扒、韓式溫泉蛋牛肉石鍋飯、豚肉炒粉絲、藍豆花檸檬茶、柚子檸檬梳打、柚子檸檬茶、黑松露野菌滑蛋牛角包、奶油脆豬及生磨蛋白杏仁茶。香煎T骨牛扒超大塊而且煎得好香口，配菜有烤西蘭花及烤蕃茄，加埋薯條真係好大份及好味。韓式溫泉蛋牛肉石鍋飯超有韓國風味，牛肉加埋溫泉蛋及其他韓國配料及蔬菜，石鍋裏撈飯食，每一啖都有唔同嘅質感及口感。豚肉炒粉絲就用咗韓國傳統做法，韓國粉絲索曬汁嘅味道， 兼好有咬口，豚肉亦都好有韓國嘅醃料味道喺入面。黑松露野菌滑蛋牛角包，黑松露及野菌有好多，而且蛋炒得好滑，夾雜住黑松露野菌及牛角包一齊食，每一口都有唔同嘅質感。奶油脆豬係其中一個翠華招牌菜，豬仔包就外脆內軟，面頭加上鮮奶油份外好味。生磨蛋白杏仁茶係其中一款比較特別嘅熱飲，好啱女士飲用，蛋白加上杏仁特別養顏。藍豆花檸檬茶、柚子檸檬梳打、柚子檸檬茶都好靚，絕對係打卡之選，而且每一杯都清涼解渴。