Video
Read full review
2018-09-12
77 views
光顧時間 : 星期三 大約下午3:30睇到雜誌介紹，滿心歡喜， 充滿期待，搭咗45分鐘車，專登出去 試下由2:00~6:00p.m.嘅$98蚊下午茶任食， 去到準備叫餐嘅時候， 店員話 兩款主打有狗狗嘅甜品已經冇哂， 只係得返泡芙， 😧已經非常失望。到咗點小食，我點咗四款( 包括有骨頭多士)在內， 跟住再叫主菜， 主菜選擇唔多， 只有四款，其中兩款只可以叫一份， 我哋兩個人，一個叫咗紅酒牛肉骨頭飯， 一個叫魚柳飯，😩但魚柳又話賣哂， 焗住改咗卡邦尼意粉D小食嚟到， 唔見有骨頭多士，以為佢好細心咁，好似圖片影出嚟咁，會另外上， 😠點知再問侍應又話賣哂， 真係勁嬲😡 叫乜冇乜， 基本全部關於狗狗嘅嘢都賣哂， 咁同佢K房，叫呢啲set，有咩分別… 咁都未完…到個主菜， 明明幅相影出嚟 及餐牌上都係寫住紅酒牛肉骨頭飯， 諗住最後都起碼都見到一嚿骨頭造型嘅飯吖， 點知佢比另外一個餐入面嘅腳印飯比我， 感覺非常求其，係咪因為覺得$98蚊就可以咩都冇得食，同求其比啲嘢人食飽就算呢😡🔥🔥， 一係你就唔好寫呢個價錢，我寧願你收貴啲， 唔好求其hea啲客人。連個主菜都上埋， 餐湯都未有， 再問侍應係唔係有
睇到雜誌介紹，滿心歡喜， 充滿期待，搭咗45分鐘車，專登出去 試下由2:00~6:00p.m.嘅$98蚊下午茶任食， 去到準備叫餐嘅時候， 店員話 兩款主打有狗狗嘅甜品已經冇哂， 只係得返泡芙， 😧已經非常失望。
到咗點小食，我點咗四款( 包括有骨頭多士)在內， 跟住再叫主菜， 主菜選擇唔多， 只有四款，其中兩款只可以叫一份， 我哋兩個人，一個叫咗紅酒牛肉骨頭飯， 一個叫魚柳飯，😩但魚柳又話賣哂， 焗住改咗卡邦尼意粉
D小食嚟到， 唔見有骨頭多士，以為佢好細心咁，好似圖片影出嚟咁，會另外上， 😠點知再問侍應又話賣哂， 真係勁嬲😡 叫乜冇乜， 基本全部關於狗狗嘅嘢都賣哂， 咁同佢K房，叫呢啲set，有咩分別… 咁都未完…
到個主菜， 明明幅相影出嚟 及餐牌上都係寫住紅酒牛肉骨頭飯， 諗住最後都起碼都見到一嚿骨頭造型嘅飯吖， 點知佢比另外一個餐入面嘅腳印飯比我， 感覺非常求其，係咪因為覺得$98蚊就可以咩都冇得食，同求其比啲嘢人食飽就算呢😡🔥🔥， 一係你就唔好寫呢個價錢，我寧願你收貴啲， 唔好求其hea啲客人。
連個主菜都上埋， 餐湯都未有， 再問侍應係唔係有餐湯， 佢竟然問我，你係唔係而家要吖🤔😒， 唔通餐湯係食完甜品先飲嘅？？
真係食到一肚火， 間舖已經冇乜人， 得兩三張枱， 重點係佢寫明2:00~6:00p.m.開始，我哋都3:30p.m 到啦，啲關於狗狗嘅嘢都全部買哂， 😡用咗二百幾蚊， 雖然唔係多錢， 但唔需要山長水遠，嚟到食呢啲嘢囉， 咁係屋企樓下求其搵間餐廳食都得啦!
🔔強烈建議如果真係要食到有狗狗嘅產品，可能要準時兩點就到舖頭， 如果唔係， 答案就會同我哋一樣 ~ 食K房食物
Post
