明將迴轉壽司餐廳 (Closed)

越來越唔掂，造壽司果幾個職員完全沒有衛生常識，在做食物過程不停傾計講野，一唸起佢地不停咁為壽司添加佢地既口水，真係唔多想食，除非佢地係機械人個口係完全唔會有口水啦，如果唔係都應該戴翻個口罩；魚生之類既材料佢地好多時會一盤盤疊起，亦都好唔衛生。食物方面，佢地一次會做好晒大量既下價壽司才上碟，次次上碟既時候d 紫菜已經遇潮晒，見倒都唔開胃，同埋d下價壽司佢地就會不停且大量咁出，三文魚等出得好少，坐成個鐘都未必見超過五碟，叫d職員同做壽司d人講出下三文魚，造壽司既職員更態度惡劣不甚，近來一兩個月，d壽司米更加唔掂，又硬又無口感且係(鞋) 口，真係唔明佢地知唔知壽司究竟係點既一回事。如果想好好咁食幾舊壽司，真係不如行落去軒尼詩道比多十幾蚊食元氣，三文魚都係$9蚊碟。