Video
Read full review
2023-03-22
113 views
中環開左間新既居酒屋，係主打高知縣既食材同菜式，店主同店長都係日本人，所有食材同煮法都用番高知縣當地材料同方法，就算漬物都係嗰邊當地搜購返黎，好地道又有特色。整串燒同燒物既師傅都好有功架。店舖裝潢好warm好似當地日式居酒屋，仲有個小小戶外位置可以幾個朋友望住月色高談闊論，好有情調。今晚我地兩個人晚餐食左： 🔸️鮟康魚肝奈良漬 ($58，9.4/10)鮟康魚肝配埋青瓜，魚肝味好濃郁好香！ 🔸️長芋山葵漬（$28，9.2／10）呢個好特別！長芋食落清新爽口，仲有淡淡山葵味,好好味！ 🔸️螢光魷魚沖漬（$48，8.8／10）呢個又係超特別，魷魚味道咸香味濃，上面既海膽汁味道都十分濃郁，有驚喜！ 🔸️ 鐵板芝士炒蛋（$58，9／10）呢個有得睇住店長表演喺我地面前用鐵板炒芝士芝，超級拉絲，蛋同芝士既合體又係食到停唔到口。🤤🤤 🔸️ 白珠牡蠣（$78，9／10）燒蠔好juicy好鮮甜！仲好香酒味。 🔸️ 熏烤鰹魚（$128，9.5／10）呢個係店既皇牌，日本空運黎既鰹魚，師傅用一個大既炭火熏烤完再浸入冰水，熱脹冷縮令到肉質結實。食落有啲似吞拿魚，但冇咁油。見到師傅燒既功架，就覺得值回票價。 🔸️ 海膽意大利
🔸️鮟康魚肝奈良漬 ($58，9.4/10)
鮟康魚肝配埋青瓜，魚肝味好濃郁好香！
🔸️長芋山葵漬（$28，9.2／10）
呢個好特別！長芋食落清新爽口，仲有淡淡山葵味,好好味！
🔸️螢光魷魚沖漬（$48，8.8／10）
呢個又係超特別，魷魚味道咸香味濃，上面既海膽汁味道都十分濃郁，有驚喜！
🔸️ 鐵板芝士炒蛋（$58，9／10）
呢個有得睇住店長表演喺我地面前用鐵板炒芝士芝，超級拉絲，蛋同芝士既合體又係食到停唔到口。🤤🤤
🔸️ 白珠牡蠣（$78，9／10）
燒蠔好juicy好鮮甜！仲好香酒味。
🔸️ 熏烤鰹魚（$128，9.5／10）
呢個係店既皇牌，日本空運黎既鰹魚，師傅用一個大既炭火熏烤完再浸入冰水，熱脹冷縮令到肉質結實。食落有啲似吞拿魚，但冇咁油。見到師傅燒既功架，就覺得值回票價。
🔸️ 海膽意大利扁麵（$68，9.4／10）
呢個好好味！意粉超彈牙超級掛汁，又好濃海膽味。推介！
🔸️ 燒飯糰（$58，9／10）
簡單又好味。用紫菜包住食好香！
🔸️ 雞頸肉串（$38，8.8／10）
呢啲串燒會好窩心咁放喺熱盤上熱住俾你。
🔸️ 雞腎串（$38，8.8／10）
🔸️ 雞胸軟骨串（$38，9.5／10）
特別中意佢呢個雞胸軟骨串，咬落好香口。
🔸️ 雞尾串（$38，9／10）
🔸️ 梅酒（$68，8.5／10）
🔸️ 雪碧（$28）
✏️總括而言，環境坐得舒服，食物質素高，好中意佢地師傅同店員既熱情，師傅又會同你有適當互動，會問你意見！係好地道同好有人情味既一間居酒屋！超級推介！佢仲有幾吸引既lunch丼menu,下次要黎食！
3 views
0 likes
0 comments
Post
