露面手工拌麵料理

收工同朋友嚟到灣仔嘅露面，第一次試呢度嘅花生南乳炆豬手$58，豬手炆得十分腍滑，充滿南乳香味，仲有好多花生。鮮茄牛腩拌麵+麻辣雲耳 牛腩筋肉相連口感極佳，牛肉軟腍入味，肉味仲相當香。麵底軟硬適中，加埋番茄汁精華，滋味無窮。雲耳爽口彈牙，香辣開胃。口水雞+滷肉飯呢度嘅口水雞滑不溜口，雞肉吸收酒香，食落酒味夠重，麻辣程度剛剛好，唔會太over，好岩口味。滷肉飯珍珠米粒粒圓潤，飯香撲鼻，滷肉濃香油潤，肉同脂肪比例剛剛好，一匙飯連同醬汁、滷肉、香菇，啖啖滋味。