Oggi (Closed)

未見過夜晚嘅dinner set有咁多選擇🤣餐包如果烘熱左嘅話更加好😌麵包冇乜味道餐湯🥕甘筍湯，湯幾好飲唔會太濃藍青口煮白酒忌廉汁（$88）青口幾滑😋同埋咁嘅價錢份量都唔少。賣相可以用心D擺。黑椒牛柳粒（$88）比較似日式嘅鐵板牛肉粒🤔，仲有燒汁嘅味道，牛肉幾腍。🌟鮮蜆香辣蒜茸意粉（$128）炒得好靚😍唔會太油膩，蜆都有好多隻，有一兩粒會有啲沙，但係整體來講好滿足👍🏻慢煮20小時牛背骨（$168）真係好腍🤭一切啲肉就從條骨甩出嚟🤤但係份量唔係好大，男人唔夠飽😅雞肉溫泉蛋薄餅（$108）薄餅係薄脆嗰種，好似餅咁樣，個人唔係太鍾意咁乾🙁但係份量都幾大，隻溫泉蛋好靚，雞肉粒都唔少。芝士肉醬長通粉（$98）細路食到好開心🤣好好味，肉醬都唔少，芝士唔會太多👌🏻芝士粗薯條（$52）出乎意料之外好味嘅粗薯條😯份量都幾大，好似食極都食唔完🤣又熱辣辣又脆🤤咁嘅價錢好合理。好難得夜晚仲有dinner set仲包埋嘢飲😍凍飲冇斟滿隻杯同埋都幾多冰😓熱飲都還可以，但係咖啡奶唔暖😕服務態度都唔錯，餐廳比較細但係唔會好嘈👍🏻係一間質素唔錯嘅細西餐廳，價錢又合理。