新記雞粥 (鴻禧大廈)

Open Now

Now Closed

今日媽咪提議食粥，所以天氣有啲悶熱，我胃口一般，所以諗食粥都好。但估唔到嘅係而家粥鋪有咁多選擇！以前食蟹粥要特登去到澳門，所以見到Menu有海鮮粥我就即刻叫咗個，個粥底好綿好鮮甜，亦都有蝦有蟹有帶子同埋魚肉，好豐富啊！然後叫咗個脆皮乳鴿，一人一半就唔怕熱氣，又滿足到內心需要！媽咪大讚個脆皮乳鴿個皮好脆，見佢食得好滋味我都好開心！由於想食返健康啲平衡啲，所以我哋又叫咗個西芹炒帶子，啲西芹唔會老，帶子亦都好彈牙，認真唔錯！最後每人整返個熱豆漿，呢餐整體都幾好幾完美。