四寶食堂 (Closed)

旺角周街都係茶餐廳，但最受歡迎應該都係四寶食堂，因為每次晚飯時段都見到有人排隊。上次經過望咗吓餐牌，中式西式港式都有，炒粉麵、常餐、客飯、燉湯、意粉、漢堡、鋸扒等等，一家人去就算口味唔同都梗有啱心水嘅，所以今日帶咗爸媽嚟試吓，叫咗幾樣嘢開心share。【燒美國極級牛板腱】叫咗七成熟，上碟已經係切開咗，肉色鮮嫩，牛肉味濃，亦有燒烤香味。配菜除咗西蘭花苗仲有成個惹味烤蒜頭，幾有特色。牛扒餐跟一個廚師發辦沙律，今日係【櫻花蝦蘋果沙律】，鮮爽又解膩，營養均勻。老豆就最鍾意飲湯兼且無飯不歡，叫咗個【一人前養生燉湯晚餐】，包一盅燉湯同客飯，今日係【五指毛桃煲蟲草花】，都幾足料有火喉。客飯【碧綠翠肉瓜炒斑球】，翠肉瓜同斑球都幾多亦炒得有鑊氣。【拔絲山渣汁菠蘿咕嚕西班牙黑豚肉】夾起件咕嚕肉真係有拉絲效果，酸酸甜甜勁開胃。咕嚕肉係西班牙黑豚肉，口感外脆內軟。菠蘿係鮮切菠蘿肉，食吓生果幫助消化。我同媽媽一人一杯特飲。【紫薯雪糕拿鐵】粉紫色好靚，如果多啲裝飾賣相就更好～每一啖都有紫薯柔和嘅香甜，加上炎炎夏日有雪糕食，爽呀～【黑加侖檸檬梳打】提子甜味同檸檬酸味完美配合，梳打汽泡令飲品更清爽，消暑一流呀～食完爸