茶餐廳2.0 (Closed)

黃大仙附近搵食，很多都是大集團餐廳，openrice搵搵下見到呢間咁多like既小店，感覺係新派茶記，見價錢唔貴，一嘗無壞😜。地址係現祟山商場地下，地鐵步行5分鐘就到👍🏻呢日星期日夜晚都幾爆場，想坐室內位都要等一等，等到個卡位（但冷氣好凍🤣），食物方面我地坐低就見到好多人叫泰國野食🤪 餐廳staff介紹返：原來餐廳有特別請個泰國人主廚負責泰菜同飲品 😂😂難怪咁多人叫泰菜。泰式野就叫左「馬拉盞炒雜菜$58」同「乳酸奶昔$35」，雜菜係芥蘭,通菜,白菜仔 好有獲氣又幾多下 馬拉盞好滋味 👍🏻 野飲都幾like , 乳酸酸酸甜甜配milk shake 另外有少少沙冰，再加d焦糖😋另外叫左個「中式小菜 2人餐$168」有菠蘿生炒骨 同 馬蹄土魷蒸肉餅、另外送個炒白菜仔 ，茶記中餐係好食既，生炒骨用一字排 炸得夠脆同個汁好酸甜😍 肉餅超正 半肥瘦又夠多😋今次搵openrice搵野食無伏👍🏻下次再試泰國野😉