35座車仔麵 (Closed)

行過見到懷舊裝修，吸引左我地目光。行到門口發現係黃店就緊係要即刻試啦！餐牌有超多餸揀，仲要好多特別的餸。例如黃金麻吉燒，牛舌心，南乳豬手，台灣腸等。麵同醬汁都比其他車仔麵店多選擇，有拉麵，薯粉，車仔飯，文記麻辣混醬，秘製辣汁。我揀左黃金麻吉燒，牛舌心，大腸，豆卜，川味麻辣湯，腩汁。份量超多：黃金麻吉燒3粒，牛舌心6片，大腸豆卜各有6-7件，叫滿$50仲送豆漿，超值。牛舌心好稔，高質！推介！另外一碗係豬紅，蠔皇小花菇，秘製辣魷魚，酸齋，川味麻辣湯，辣汁。所有餸麵有5-6粒，加加埋埋差唔多都有25粒架，所以平時覺得食車仔麵唔夠飽嘅人，嚟到都一定會夠飽。魷魚爽口，豬紅入味。