Video
Read full review
2023-08-01
60 views
🥢尖沙咀韓國人主理 超大份量韓國菜 多款直送韓牛部位醬油蟹辣海鮮鍋#食好西韓國菜推介 #食好西尖沙咀美食 🥢因為我哋好鐘意食韓國菜，由其醬油蟹同韓牛，今日特別來到一間位於尖沙咀開業多年的一間韓國菜，記得細時在尖沙咀返工已經見到喺到，店舖由韓國人主理，店員都係韓國人，入到去好似返咗韓國食飯咁，餐廳主打由韓國新鮮空運直送韓牛，醬油蟹海鮮等等傳統菜式，而且每碟份量同韓國食到的一樣份量好大，最啱一班人一齊食，除了大廳仲見到有兩個私人房間，啱曬鐘意私隱度高嘅朋友🥢坐低後店員會先放低好多碟小碟前菜，除了經典的泡菜同菠菜薯仔之外，有個來自韓國的新鮮細蔥生洋蔥呢個真係香港未食過，非常香清新爽脆而且開胃，餐牌都幾多選擇好多樣都想食，諗唔到選擇困難之下問店員，佢地都好nice 咁好好人咁推介俾你🥢韓牛套餐特選 韓牛 SET MENU $920 / + 韓牛生肉片 $1148-韓牛生牛肉片 好多人都鐘意食韓牛生牛肉，所以特別升級套餐，店員介紹係生牛細size ,來到時原來都好大一盤，冰凍的牛肉切成條狀，加入了清甜水梨拌生蛋一齊食，牛肉增加滑溜口感，凍冰冰的感覺好正，而且牛肉味濃，令人一口一口咁食曬🥢拼盤份量
#食好西韓國菜推介 #食好西尖沙咀美食
🥢因為我哋好鐘意食韓國菜，由其醬油蟹同韓牛，今日特別來到一間位於尖沙咀開業多年的一間韓國菜，記得細時在尖沙咀返工已經見到喺到，店舖由韓國人主理，店員都係韓國人，入到去好似返咗韓國食飯咁，餐廳主打由韓國新鮮空運直送韓牛，醬油蟹海鮮等等傳統菜式，而且每碟份量同韓國食到的一樣份量好大，最啱一班人一齊食，除了大廳仲見到有兩個私人房間，啱曬鐘意私隱度高嘅朋友
🥢坐低後店員會先放低好多碟小碟前菜，除了經典的泡菜同菠菜薯仔之外，有個來自韓國的新鮮細蔥生洋蔥呢個真係香港未食過，非常香清新爽脆而且開胃，餐牌都幾多選擇好多樣都想食，諗唔到選擇困難之下問店員，佢地都好nice 咁好好人咁推介俾你
🥢韓牛套餐特選 韓牛 SET MENU $920 / + 韓牛生肉片 $1148
-韓牛生牛肉片
好多人都鐘意食韓牛生牛肉，所以特別升級套餐，店員介紹係生牛細size ,來到時原來都好大一盤，冰凍的牛肉切成條狀，加入了清甜水梨拌生蛋一齊食，牛肉增加滑溜口感，凍冰冰的感覺好正，而且牛肉味濃，令人一口一口咁食曬
🥢拼盤份量超大一盤擺盤非常精緻，一共有四款韓牛，內有牛肉眼扒 ,牛肩肉，牛腩，厚桾肉，好喜歡韓牛的厚實的質感，燒起上來有豐富的牛肉香，經過火炙後的牛的油脂香氣，鐘意附上的蔬菜盤有紫蘇葉新鮮生菜韓國生蒜，麵豉醬仲有一大碗咁俾你，可以落多點麵豉醬用蔬菜包住食，可以減低油膩感多了入清爽感，另外伴碟仲有洋蔥，冬菇磨菇等可以放旁邊慢慢烤吸收曬牛肉的油份特別香
🥢韓國猪肉眼扒 $220/180g
本身想食五花肉，後來店員推介呢一隻會仲好食唔會太肥膩，烤完後更香口肥瘦剛剛好，包紫蘇葉食麵豉醬味道更香
🥢醬油蟹 $250 / 1 隻 $450 /2 隻
個人好鐘意食醬油蟹，呢到可以點一隻或兩隻，仲會跟一大碗紫菜飯俾你，蟹身入面超爆膏，醬油味道咸咸甜甜甜的撈飯一齊食，會想食曬成個飯
🥢辣海鮮湯鍋 $300
食韓國菜一定會好想飲個辣湯，海鮮辣湯味道夠濃，辣度剛剛好不會太辣，入面海鮮好新鮮全部都係新鮮材料，黑青口，八爪魚，魷魚，蝦，蟹，煮出來個湯非常鮮甜，係大海的鮮味，同韓國食到的一樣
🥢涷湯蕎冷麵 $140
食燒肉食到熱辣辣配冷麵，係一個絕配，一口熱一口冰凍麵即時降溫，店店仲好細心咁樣幫我哋分開兩個碗，係一個加分位
🥢Terra 啤酒$50
🥢凍檸樂 $30
📍 三木韓國料理 (尖沙咀) @sammok_bbq
尖沙咀堪富利士道12-16號宏貿發展大廈2樓
Post
