鶴亀 (Closed)

[💛黃店結業倒數] 估唔到今次回訪已經系最後一次食啦...呢間營業左4年既拉麵店  做到11月中就停業了。平時經過見到呢間店都有人龍，估唔到唔做... 想食既同路人要把握時間啦~我地星期六1點到達。叫左以下食物，全單九折🍜辛辣豚骨拉麵 $84嗜辣既隔離位嫌唔夠辛辣。叉燒既外圍系一圈肥膏，我食左一塊，竟然唔系好油🤣蛋略為過熟，整體不過不失🍜柚子三文魚沾麵 $125少有既三文魚配沾麵，成塊魚扒超大條‼️肉質幾嫩，食落有雪味，魚皮煎好香口，正～我選左軟既凍麵， 但個麵只係室溫，而且麵芯比較硬，麵條仲有少少梘水味。拉麵就唔多覺，可能俾湯既香味蓋住。沾麵既湯相對健康，比較稀，唔會太咸。舀起湯仲有一條條既柚子皮同椰菜，即刻覺得健康左（笑🥟餃子 $35小編幾鍾意呢款餃子，皮薄得黎又唔會夾爛塊皮。隔離位嫌佢唔夠脆口，但我覺得可以。