九重鮮 (Closed)

今日四個人去食新出雪濃湯松葉蟹海鮮塔係HKTV Hall有優惠$988 （4人餐）店內坐位舒服，白色，淺啡色配搭，木枱亦很大張，每人都有3款醬（鹽麻油，辣醬，甜豉油），一支水，一盒紙巾，同服務員放上4款小食。 泡菜，柚子藕片，芽菜，白菜仔。當中柚子藕片很開胃爽脆。 點了松葉蟹餐，就等待食物，服務員先放上雪濃湯，珍珠米，蘿蔔，牛腩件在窩底煮，放上期待蒸籠。蒸籠有溫度計，而枱上亦有一個漏斗，5分鐘一轉。服務員會細心通知你時間，到時叫他們幫你開蓋。服務很貼心。本來都無諗過香港可以食到日本出準，當我見到隻大過我塊臉松葉蟹，真的開心都非筆墨能形容，實在太幸福啦！師傅將蟹膏由蟹殼拆出，放在蟹身上同蒸，蟹身的肉斬好4件方便食，配左西蘭花，苟菜花。蟹肉鮮味，啖啖肉，枱上有剪刀食蟹腳。韓牛下有片超薄蘿蔔（蘿蔔醃過有點辣味），下面用荷葉蒸，所以牛肉唔過火，仲有陣陣荷葉香氣，每人有2件，牛肉軟綿同蘿蔔一同食層次出色。食完2樣貴價菜，其實肚仔已經有1/3食物啦。第2層有鮮蝦，魚腐，東風螺，木瓜，本菇，八瓜魚粒，蕃茄仔，花甲，韓國魚膏絲。 不得不讚韓式風格，就是有蔬菜，蒸熟蔬菜特別甜，平時唔食木瓜男朋友都讚口不