最想吃 (Closed)

餐廳喺灣仔道83號，一般火鍋店都係環境比較擠逼，呢度雖然地方唔大但座位寬敞舒適，環境乾凈整潔，第一感覺相當唔錯！我哋叫咗澳洲M6和牛肉眼餐，120分鐘任飲任食，套餐包括日本刺身盛、「最想吃」小食便當、直送海鮮拼盤。仲可以揀韓國炸雞或麻辣雞煲，韓國炸雞新鮮炸起，細細粒方便食！先出去攞醬料飲品，醬料區好整潔，有我鍾意嘅花椒油，帶少少麻辣感幾特別；  飲品除咗一般罐裝仲有杯裝特色飲品，健康啲有檸檬薏米水，日式嘅有宇治金時、中式嘅洛神花茶、最特別係士多啤梨乳酪爆爆珠，又香又滑！湯底有五款選擇，一人一鍋，個鍋細細個，好快就滾起食得。我揀咗北海道牛乳鍋，牛乳香濃； 朋友嘅美顏花膠鍋好大塊花膠，真材實料。小食便當有五樣小食，可以食少少留吓肚先！日本刺身盛擺到好靚，三文魚刺身厚切，甜蝦刺身都好大隻。海鮮拼盤有睇頭又新鮮，鮑魚、海蝦、沙白、扇貝，仲有龍躉肉，非常厚切，肉質嫩滑！肉類有6款：M6澳洲和牛肉眼、頂級黑牛肩脊、極上安格斯牛小排、特級雪花牛板腱、日本豚肉、日本黑毛豬腩肉，一盒有幾片，都好大片，肉味香濃！食到呢度都已經好飽，但係仲有幾十款配料可以任點任食，哈哈，好多野食！ 食到飽飽，可以去出面攞韓