Video
Read full review
2021-09-23
55 views
雞煲打邊爐不嬲都係我至愛。係社交平台成日見到有人介紹太子呢間舖，所以今日專登留肚夜晚去擦餐勁。入到去見樓面幾張檯都坐滿，開頭仲以為要等，點知店員話可以上樓上。樓上都有好多檯，坐低睇睇下餐牌突然間又full哂，真係好出名咁！叫左微辣雞煲加幾樣打邊爐配料，諗住食完再叫多幾round，點知個雞煲一上就比個size 嚇親，因為真係超超超大煲！個煲應該有起碼半隻雞，味道好香濃惹味又唔辣，雞肉又嫩又多汁，食到停唔到。食食下先醒返起原來仲有配料等緊打邊爐，真係唔講食雞煲都開始有啲飽。叫左店員加湯之後，開始第二輪邊爐時間。開頭叫左啲配料都係丸呀菜呀之類，又估唔到啲菜類都係幾大份下。最後食哂配料超飽超滿足，可惜冇戰鬥力叫多啲唔同種類嘅野試吓，如果下次約多啲人一檯share應該超開心！
入到去見樓面幾張檯都坐滿，開頭仲以為要等，點知店員話可以上樓上。樓上都有好多檯，坐低睇睇下餐牌突然間又full哂，真係好出名咁！
叫左微辣雞煲加幾樣打邊爐配料，諗住食完再叫多幾round，點知個雞煲一上就比個size 嚇親，因為真係超超超大煲！
個煲應該有起碼半隻雞，味道好香濃惹味又唔辣，雞肉又嫩又多汁，食到停唔到。
食食下先醒返起原來仲有配料等緊打邊爐，真係唔講食雞煲都開始有啲飽。
叫左店員加湯之後，開始第二輪邊爐時間。開頭叫左啲配料都係丸呀菜呀之類，又估唔到啲菜類都係幾大份下。
最後食哂配料超飽超滿足，可惜冇戰鬥力叫多啲唔同種類嘅野試吓，如果下次約多啲人一檯share應該超開心！
Post
