廚十三老壇酸菜魚 (亨環‧天后) (Closed)

朋友想食酸菜魚，天后出名美食雲集，提議試下廚十三老壇酸菜魚，原來已開業半年，菜單一目了然，都有不少選擇。門口有餐廳自家製的即食粉，相信是大集團才可這樣營運，看看分店原來都開左五間。有酸辣粉同花甲粉選擇。叫了份酸菜魚，要二人份量$338，原來已好大份，魚片又滑又多，湯底酸酸辣辣，湯底較重口味，配料豆腐、金菇、加了個寬粉索曬湯汁都好入味，餐廳的茶用了蕎麥茶，好香，解辣，飲完一口又一口，店員服務好殷勤,時常加茶，叫了碧綠脆窩荀$78，果然碧綠，味道清甜，好爽口。調味帶麻又香。棒棒雞$88好惹味，偏辣，還有青瓜絲墊底，有𡁻口，味蕾好刺激，雞肉質夠滑。見有個甜點好特別，叫雨露均霑$58，個菜名好文雅，實質係將糯米糕炸香，外脆內煙韌，好似年糕咁，面灑了類似黃豆粉，再沾上黑色的甜醬油，好味。