爆丼屋 (山東街)

Open Now

Now Closed

2023年10月19日 星期四呢日收工之後突然間好想食日本野，於是係旺角等埋老婆放工就周圍行，睇吓邊到有日本餐廳好食行到黎山東街竟然發現呢間餐廳搬左去更大既舖位，未搬之前一直都想搵機會黎食，不過每次去都見到好多人排隊所以卻步，今次發現新餐廳裝修得更加靚，樓底好高，而且呢個時間咁啱仲有空枱，所以唔需要等位就直接入去餐牌上面仍然主打係巨型丼飯，淨係睇圖片都覺得好震撼，而且仲加咗期間限定款式添最估唔到係原來依家做緊感謝祭，星期一至日全部時段都可以使用優惠，半價就可以食到重量級燒牛扒丼飯同火焰盛丼，於是我哋就直接點咗呢兩個一點完餐，店員就送上麵豉湯，熱辣辣又足料，除咗海苔、豆卜仲有蘿蔔，味道啱啱好，唔會太鹹之後每人一杯冷泡麥茶，夠晒冰凍，而且仲可以消滯解膩添，非常適合食完丼飯飲跟住火焰盛丼就黎到，果然配料擺滿晒成個碗面，十分豐富，有火炙三文魚腩、火炙左口魚裙邊、火炙帶子同蟹棒等等，其中左口魚裙邊入口即化，魚油不斷湧出嚟，令人難以忘記，生雞蛋黃同飯一齊撈埋食會更加滋味再黎有重量級燒牛排盛丼，真係無諗到實物同圖片一樣放左咁多舊牛排係上面，所以每一啖都食到牛排，肉汁已經滲入飯裡面，味道更加香濃，而牛