杏甜品 (豉油街) (Closed)

最近食左好多炸野熱氣，想清清熱，但又唔想食涼粉，所以選左木蓮凍！木蓮凍唔會苦，回味清甜，岩晒我呢啲怕苦之人。呢間甜品店雖然細小，但都放到好幾個座位。餐廳職員有禮貌，仲會細心講解佢地以杏仁為主題賣點，甜品純手工製作，真材實料，不加任何添加劑或防腐劑，每日香港本地鮮製。最近推出既新產品木蓮凍系列都幾受歡迎。芒果木蓮凍 $62好大碗，成碗下面都係木蓮凍，浸住芒果汁，份量十足。上面果一大球唔係雪糕，而係類似綿冰，芒果味幾香。仲有好多其他配料，例如芒果粒、4色小芋圓、椰果。招牌杏汁波波爽冰木蓮凍 $65又係好大碗，裡面勁多木蓮浸喺杏汁入面，原來木蓮凍同杏仁一齊食係幾夾味。上面果4球亦都係類似綿冰，選左士多啤梨味，如果唔想4球都單一口味，可以加錢拼其他味。配料仲有4色小芋圓和青鑽。呢個青鑽要講一講，因為我覺得佢好得意，透透地明一粒仔，表面光滑，但咬落去好似爆開咁，口感有趣。生磨合桃露 $32食左兩大碗凍野，黎個熱合桃露作結。合桃露香滑，但唔係杰身，所以好飽再食佢都唔會滯。