川味閣

Open Now

Now Closed

同朋友去元朗行街，佢介紹我去食呢家常去嘅米線店。初次報到，確實俾碗麵嚇親！實在太大碗嘞！應該兩個人食都得。我叫咗兩款餸，豬腸同雞絲，豬腸份量較少，得四五舊，薄薄的，唔係好夠喉。豬腸味唔太出，有啲又肥咗啲。而雞絲份量都算多，雞肉鞋咗少少，不過雞味甜。本身怕辣，所以叫咗清湯，香料味略有不足，再濃啲多啲葱、芫茜會更好！麵類都相當多選擇，招牌米線夠綿粘，浸幾耐湯都唔會軟。叫咗兩碟小食試試，手拍青瓜。每逢有青瓜嘅地方，台灣麵又好，四川米線又好，一見青瓜都會去試。呢度青瓜夠爽脆，感覺新鮮，有麻油香，但麻辣味未完全入到去。再嚟尖椒皮蛋，啲皮蛋同平時見到嘅唔一樣，蛋白部分透明，通透似晶體。食落啲味道就靠蛋黃，有啲流心，滑滑地，蛋味濃。有少少麻辣吊吓味有種解膩感。食完飽到食唔到晚飯。