周記油渣麵 (Closed)

星期日下午出深水涉，1:45食晏時間，剛有2個位，即入試下。飲品先到，茶走超水準，香濃茶味，夠提神，沒有過多鍊奶，少甜吊起胃口，正。反而鮮椰汁就超死甜，抹殺鮮椰香，浪費之作，叫人失望。叉燒滑旦炒河，旦的確超滑超香，叉燒大大塊夠咬口，河粉爽滑汁料好掛，好味。星州炒米，缺咖啡味，濕身欠乾爽，料少，不合格，唯獨超大碟，一碟係人地2碟傷。深水埗，$39大大碟可以分兩餐，要飽肚係一個好選擇。