檸檬冰室 (汝州街)

Open Now

Now Closed

檸檬冰室喺汝州街新開無耐，但都未試過。呢日有機會試係因為有同事萬歲請食下午茶😍。我就叫咗瑞士汁雞髀配薯角，好似$42定$45，包熱飲。自己未見到份餐時，同事分餐時已經哇哇聲，點解呢？原來係隻雞髀🍗超大隻！無講錯真係超大隻，勁正，成隻火雞髀咁，仲要我嗰隻唔係炸髀外面有層炸粉喎，真係成嚿都係肉。我拎住成隻咬都覺得重呀🤣。味道方面，隻雞髀都幾唔錯，唔算話滷得超入味，但唔淡。肉質都幾滑，無咩雪藏味。至於炸薯角都唔錯，脆脆的。整體嚟講，我好滿意，如果想食雞髀，一定會幫襯🍋檸檬冰室。同事叫炸髀同埋都咁大隻，佢話味道都ok。總括嚟講，呢個下午茶雞髀餐真係好正😋，因為好少食到啲咁肥美嘅雞髀，相反平日食到嘅都好奀，食完隻雞髀已經飽到唔想再食其他嘢。有機會嘅我下次會直接去嗰度堂食午餐。