小曼谷泰國美食 (教育路) (Closed)

突然好想食泰菜，唔知食邊間好，就去咗比較出名嘅小曼谷泰國美食，2個人叫咗幾樣嘢，好在唔係叫咗好多，如果唔係就大鑊，$661埋單，完全唔值，唔會再食。😑泰北燒牛肉$98同白烚無分別，牛肉完全見唔到燒嘅痕跡，無味、無牛肉味。😩💛咖哩炒虎蝦4隻味道ok，但有2隻啲蝦肉有啲「霉」，唔太新鮮。💛馬拉盞炒椰菜苗 $98味道正常💛泰式冬陰功湯$138味道正常，有1隻啲蝦肉有啲「霉」。😑泰式蒜蓉包4塊$48麵包明顯擺到冇晒水份，超乾，冇味。💛咸檸七$42/杯一般。服務🤵🏻無服務。環境🌉坐位唔舒服，好逼，黐黐𥹉𥹉，清潔有待改善。