朱敏記小廚 (Closed)

平時行過，成日都好想試呢間嘅酸菜魚試下。今日下晝唔想煮飯，就嗌回屋企試試啦。一開蓋見到呈金黃色嘅酸菜魚湯，夾起一片魚片食，點知勁多魚骨，每塊魚片都超過4條魚骨，唔可以同白飯撈嚟一齊。一定要小心翼翼食完塊魚片，吐番啲d 魚骨出來，先可以再爬啖白飯。連個湯都完全冇酸菜味，淨係一味油同辣，完全飲唔落口。 魚片係新鮮帶甜味，但魚片完全吸唔到酸菜嘅酸味。 而配料娃娃菜同紅薯粉都吸唔到酸菜嘅味道。最後連主角酸菜都冇乜酸味。魚、娃娃菜、紅薯粉、酸菜四樣料嘅味道都獨立分開，完全唔覺自己食緊酸菜魚，好失望，以後唔會再叫呢檔嘅酸菜魚食。