聚手工火鍋 (Closed)

星期五晚,約朋友食飯,係尖沙咀行下行下,見到有間新開嘅火鍋店,咁就不如試下啦!入到去,雖然唔係好大間,不過新裝修好舒服!之前就叫野啦! 叫左個梳囉魚湯底,唔錯喎,我鍾意魚湯,所以真係幾好味!跟住叫野食! 嘩,好ok呀! 首先叫左個牛肉四式,分別係手切肥牛、牛展、牛舌、牛頸脊,每件都切到超薄,口感超好! 尤其係牛頸脊,好滑好滑好滑呀!之後叫左好多野食,但係全部唔記得影相,因為掛住食... 呢度啲食物真係好新鮮,我鍾意打邊爐所以真係覺得好正好正!特別推介: 魚片、蝦滑、水餃、魚皮餃、皇帝菜! 食飽飽之際,係度同朋友傾偈話當年,點知原來仲有甜品!中間果件就係banoffi!!!! 我冇諗過可以係火鍋店食到呢件超好味嘅甜品!!! 之後同番職員傾偈,原來呢度嘅女師傅每日都會整一款甜品,晚晚唔同! 今晚真係好彩,試到超好味banoffi!!!!!!