K-Pop snack

Open Now

Now Closed

去完馬會嘉年華，唔想去沙田同人迫，行去火炭搵野食，工業區在假日勁少人，成間鋪得一枱客，如果平時假期諗約人，但唔知邊度坐得耐又唔想迫，去工業區搵食就冇人打擾啦！整間店都係韓國人，阿珠媽，韓國伯伯，仲有韓國美女，樣靚服務好。睇價錢唔貴喎，睇相仲好吸引，食物來到有驚喜喎。炸醬麵咁大碗，樣貌地道100分(咁真係韓國人做的嘛)，味道更合香港人口味，加了薯仔洋蔥翠肉瓜青瓜絲，口味更豐富。紫菜卷咁大卷，$35,小女食三件就話飽了.甜蒜雞件，好味，連蒜頭都好甜，多吃蒜有益。甜辣雞有點辣但又甜又好味，雞皮脆，有肉汁，少骨啖啖肉，想試味雞件都有甜辣味。副店有接近廿個位，關門後自成小小天地，雖然店長都會出出入入，仍然可以狂歡不騷擾人(如果包場,冇其他人)，難怪係附近大學生受歡迎食店。