益記小館

Open Now

Now Closed

放工約朋友食飯，黎到中環近蘭桂芳呢頭，見到The Loop 這棟商廈門口，介紹呢間新加坡菜，幾吸引就去試試。餐廳環境好舒適，靜靜地可以邊食邊傾。 餐廳用左傳統公雞圖案的餐具，好有新加坡地道特色。黑胡椒龍蝦尾，新加坡地道菜之一是黑胡椒蟹，呢度有另一選擇：炒龍蝦尾，本身鐘意食龍蝦，用黑椒炒做法非常惹味。黑胡椒不會太辣太搶，龍蝦尾肉多，夠鮮嫩，份量好夠大滿足！另店員提議加薄餅，可蘸點黑椒汁食，果然無介紹錯，薄餅好鬆脆，真係連汁都撈埋！ 本身會配埋咖哩汁，味道都唔錯。海南雞，食新加坡菜一定要食海南雞，呢度的雞已去骨，切成較為細件易入口，雞肉好滑，入口即溶，味道鮮味。有齊三款醬汁，最愛酸辣汁點黎食更滋味！用左干蒜同蝦干來炒通菜，菜好脆綠，味道咸香適中夠惹味。聞到陣陣蝦湯香味，飲到好鮮蝦味。細問下原來係大廚精心研製的湯底，用蝦頭及其他海鮮秘製的，落足料！加上少少椰香，湯底滿分！而配料有新鮮蝦，豆卜，蛋，魚片。煲到薏米完全溶至米白色，好濃郁，沒添加太多糖，夠正氣健康，亦好解渴。店員服務非常好 值得一讚。 食物質素好，係中環地區絕對性價比高，朋友都話會再推介佢d朋友來飯聚。