酥妃皇后 (Closed)

今日因為有個同事要離開我哋去第二度返工 所以我陪佢去咗買呢間酥妃皇后嘅蛋撻請大家食 蛋撻好大個 可能只係我影得唔好 佢唔止好大個 仲要好深 睇上去好似平時喺西餅舖買嘅蛋糕嘅1.5個酥皮好香又脆 應該用咗唔少豬油搓但味道食唔到豬油味 入面嘅蛋漿好滑 好香蛋味 味道好濃郁 呢啲係特色 仲買咗朱古力味 芝麻味 綠茶味 咖啡味 不過其他味已經比同事食曬 所以影唔切相 雖然味道唔同但係個餅底一樣同蛋撻有少少唔同嘅係佢個餅底比蛋撻更加脆 有少少似曲奇底 咬落又有豬油香嘅酥皮底 每一個餡 佢都係溝咗芝士再打成 所以食落去就算有原先嗰種味道 都有好濃烈嘅芝士味 成個口感好豐富 好突出