龍閣極上火鍋料理 (Closed)

今日下午我們去咗最近都無去過嘅旺角「龍閣極上火鍋料理」飲下午茶！坐底之後見到他們推出咗一啲新款點心，所以我們叫咗松露帶子餃、松露帶子燒賣皇、原隻鮮蝦餃、荷塘上素四季餃、鮮蝦菜苗餃、醬皇蒜香鳳爪、安格斯牛柳腸、蠔皇叉燒包同白菌芝士帶子盞！松露帶子餃嘅賣相極之精緻吸引，蝦肉同帶子非常鮮甜彈牙，餃皮相當煙韌彈牙！真係超好味呀！係本人嘅必食推介！松露帶子燒賣皇嘅帶子非常鮮甜嫩滑，松露嘅味道好芳香，豬肉嘅肉質亦好彈牙多汁！原隻鮮蝦餃嘅蝦肉好大隻同爽甜彈牙！荷塘上素四季餃嘅餃皮極之晶瑩剔透，餡料嘅色彩非常豐富，味道相當芳香惹味！鮮蝦菜苗餃嘅菜苗好鮮嫩，味道好清甜！醬皇蒜香鳳爪炆得好諗好入味，蒜香嘅醬汁令鳳爪更加惹味！安格斯牛柳腸嘅腸粉好嫩滑，安格斯牛肉嘅肉味極之濃郁，而且牛肉嘅份量超多！蠔皇叉燒包嘅包質好香滑鬆軟，叉燒嘅味道相當香甜！白菌芝士帶子盞嘅盞底炸得好香脆，冰凍嘅帶子加上沙律醬同舖面嘅芝士一齊嚟食，令口感好豐富同真係好滋味！