Sol House Oyster Bar and Restaurant

今日同朋友出去荃灣行街，行行下已經到lunch hour！我哋即刻搵吓附近有咩食！咁啱俾我地見到有間唔錯嘅西餐廳😍，所以決定入去醫肚！呢間餐廳嘅格調唔錯！好有mood，輕輕鬆鬆，俾人一種好舒服嘅感覺！慢煮燒烤醬豬肋骨配沙律菜，薯條，因為慢煮嘅關係，所以🐷豬肋骨特別入味，而且肉質好腍。加埋沙律菜同薯條🍟，啱啱好中和返豬肋骨嘅濃郁味道！非常好食😋。香煎日本北海道刺生帶子配南瓜汁意大利飯，帶子勁大粒，兩邊煎到少少燶，外邊少少脆！食落去鮮甜美味😍！意大利飯就索晒南瓜🎃嘅味道。非常入味，呢個配搭真係冇得輸！🤤西班牙海鮮煲，非常驚喜嘅一個菜式😍！入面嘅材料非常豐富，分別有辣肉腸，白豆，蜆，聖子，蝦，青口，帶子！全部食材都好新鮮👍🏻！而且有濃濃嘅海鮮味！好食到停唔到！