泰濃麵 (樂道)

Open Now

Now Closed

泰濃麵呢間餐廳其實我已經食咗好多次！除咗抵食之餘，個麵真係有泰國嘅感覺，夠晒正宗。湯底方面，有船湯 / 冬蔭功 / 清湯。麵質都有多款選擇，我個人就推介金邊粉，因為夠晒索湯！炸蝦餅炸蝦餅的外皮酥脆，內裡卻飽滿多汁，咬落去可以感受到蝦肉的鮮甜同埋好爽彈！黑豚肉船河-船湯底黑豚肉厚薄適中．健康不油膩。配埋泰國傳統船麵，湯底勁濃，船麵湯底會有白蘿蔔、芽菜、魚蛋配送。飲完一啖湯會想繼續飲！仲有最正係個炸豬皮，勁香勁酥脆！芫茜山-船湯底一向鍾情食芫茜見到真係心心眼！竟然有300g 份量嘅芫茜山！一上枱真係好震撼，因為真係一座山！依然係選擇金邊粉，船湯底既香濃加埋芫茜既獨特香氣真係醒腦醒出神，食得過癮！最後凍冰冰飲返杯熱薑蜜，成個人舒服晒。