廣島沾麵本舖爆彈屋 (Closed)

上次嚟呢間沾麵舖已經係一年幾之前嘅事。呢間係樓上舖，大廈個入口又細又隱蔽，我同朋友搵左一輪先搵到。今次夜晚9點幾上到去，難得只有一枱人，可以坐得鬆動啲客人食完辣度20度以上嘅沾麵，就會獲得小木牌畫公仔，而吧枱嗰邊就用咗呢啲小木牌裝飾👇🏽👇🏽收銀隔離有一個滿滿嘅sake同梅酒櫃🤤我記得炸雞好好食，即刻叫咗4件。睇多陣餐牌，我同朋友都叫咗辛味噌廣島熱麵，沾麵辣醬由20至200度，我地分別叫咗25同20度(上次我食湯麵，所以今次只係叫少少辣試水溫)。另外，我地都叫咗一隻燒魷魚。👆🏽炸雞配檸檬汁超醒胃，雞肉嫩滑無雪藏味，皮炸得超脆、粉唔厚，用了少少鹽同味粉已經好入味👆🏽辛味噌廣島熱麵及炸雞👆🏽25度嘅辣醬，食到譚仔大辣的我表示係5小辣，不過佢係辣椒嗰隻辣，食完個胃感覺好暖醬汁滿佈白芝麻，沾上麵條加添咬口👆🏽拉麵煮得剛剛好，咬落微微彈牙，不過淨麵就無咩味道，得好少麵香，連大量葱絲及醬汁食就好好。叉燒比好多舖頭嘅厚及大塊，膏肉比例滿分煮得淋，食到濃濃嘅醬油味流心蛋熟咗啲，煮少30秒應該會正好多，不過重蛋味，補返數啦👆🏽燒醃魷魚，燒得比較乾，內裏醃漬好咸，送啤酒好嘅(不過今次無叫)，唔係我心水，自己