大樹燒烤 (Closed)

實在太耐無食過燒烤，聽朋友講依間燒烤餐廳D食物好好味，今日提早放工終於有時間黎食啦，真心好味😋完全係我鍾意既燒烤口味❤️❤️❤️最令我念念不忘既一定係距既「開心花甲粉絲煲」———味道香濃可口，花甲既鮮美味道十分突出，而粉絲亦完美入味，食完都仲想繼續點。紅糖爆漿糍粑———完全係好有驚喜，糍粑外皮酥脆，內部柔軟濕潤，咬落去爆漿果下好有驚喜。紅糖既甜味同糯米既香氣相互襯托，亦都唔會太甜。燒茄子———表面微焦，內部柔軟，蒜蓉香氣濃郁，超正😋避風塘魷魚———魷魚新鮮、配合避風塘既獨特調味令到魷魚非常野味。😍😍😍串燒種類亦都好多，無論係燒牛舌、雞軟骨、娃娃菜定係韭菜都烤得好香好入味。❤️❤️❤️百香果沙冰———百香果的酸甜味道完全令人變得更加開胃，而且百香果味道好香濃👍👍👍