川粵米線大王 (Closed)

因為工作關係，我間唔中都要黎黃埔做野，所以有時都會黎黃埔街食飯。一向都好鍾意食米線既我，今日同同事2個人黎左「川粵」食米線，我自己就叫左個小辣米線配豆卜同冬菇，大家再叫左個麻辣豬耳share。有別於某著名雲南米線專門店既係，呢到連小食都可以揀辣度，今次我地揀左小辣既豬耳。小辣既米線比想像中既唔辣，但係辣中帶香，好好味。呢到既豬耳有別於一般雲南米線店食到既，呢到既豬耳係一條條既，口感爽脆入味，而且除左有豬耳之外，仲有好清爽既青瓜配襯。