壽司櫻 (Closed)

老友生日，佢又返夜班，唯有喺晏晝同佢慶祝生日，食餐好啲嘅，所以揀咗朋友介紹喺銅鑼灣嘅日本餐廳。餐廳位於銅鑼灣充滿食肆嘅登龍街，係樓上舖，入到去令人眼前一亮，餐廳寬敞溫馨，充滿日本風情，我倆揀咗Omakase 同昼食 ～ 和牛海膽飯試吓。Omakase（＄680）好豐富，包括前菜三款，刺身五款，和食， tempura ，壽司三款， 仲有湯、甜品㖭。講明係廚師發板，梗係由廚師決定食乜嘢喇。今日廚師安排咗嘅前菜係胡麻秋葵、蟹肉水雲、蟹肉湯凍水晶球。 三款前菜都好精緻，最特別嘅係蟹肉湯凍水晶球，QQ的，仲加咗黑魚子同金箔，好名貴呀！刺身係左口魚薄切、粒貝、牡丹蝦、秋刀魚同金目鯛。呢度嘅刺身新鮮不在話下，最特別嘅係佢每樣刺身都加有調味，除咗可以享受到海鮮嘅鮮味之外，加咗不同調味嘅刺身更加將海鮮提味，令刺身味道更有層次。左口魚薄切牡丹蝦秋刀魚金目鯛今日厨司提供嘅和食係汁煮五花腩，煮得好入味，又不肥膩。tempura係沙魚、舞茸菇、蕃薯、秋葵、冬菇。炸得情爽唔油膩， 加埋綠茶鹽 一齊食，正。壽司係伊佐木、北海道海膽同超拖羅。 選嘅材料係好高級，拖囉亦都係俾好靚嘅部位你。之後仲有蒸蛋茶碗、 味噌湯同