樂天皇朝 (利舞臺廣場) (Moved) New Location

話說嗰日行行吓想食小籠包，經開利舞臺，醒起樂天皇朝！即刻上去試試估唔到而家仲有下午茶時段，大部份嘅菜式都有半價，當然唔執輸叫返兩籠小籠包先啦餐廳係偏中式嘅裝潢，咁啱嗰日唔係太多人，環境非常舒服！店員嘅服務態度都非常之好我想講個前菜花生栗子超好食，係好軟腍嗰種一咬入口就好似化開咁嘅感覺，超高質自己另外都叫咗一個小食，香蒜青瓜望落去呢蒜蓉勁多，但係食落去呢係有蒜香味，但係就唔會太過over,青瓜非常爽口，作為前菜勁適合黑松露小籠包，一咬落去黑松露嗰個香氣已經非常亮眼，唯一缺點係唔夠熱，但非常多湯汁！不過都非常惹味