大鼻滷 (沙咀道) (Closed)

行到荃灣沙咀道己經係下午三點半，見到呢間舗嘅牛腩相當吸引，於是入去食啦，去到客人唔多，見到餐牌上有很多套餐選擇，有粉麵，有飯，仲可以額外另加小食添，跟餐仲奉送熱飲，凍飲只係加$1啫今次叫左牛腩河$38,另外加左蘿白牛雜$28,同埋飲凍檸茶，牛腩河牛腩件數幾多，切得均匀，食落牛肉味濃郁，肥瘦比例好好，個湯一啲都唔口渴，蘿白牛雜幾入味，有牛肚，牛肺，牛腸同牛膀，味道唔錯，牛雜處理相當乾淨，蘿白完全吸哂鹵水汁又冇渣超入味大鼻滷食物選擇多相當抵食，值得再食！