四姐川菜

Open Now

Now Closed

銅鑼灣一間隱世川菜食店👉🏻名為四姐川菜。坐落之後，睇吓餐牌，樣樣都想試，但係我哋得兩個人，所以唔可以試太多，我只係揀咗兩個涼菜，兩個熱菜。涼菜我哋叫咗四川涼麵和蒜泥白肉，因為見到餐牌上都有👍🏻標誌，應該都係店員推介，所以我哋儘管試吓四川涼麵個賣相雖然普通，但係麵條清新爽口彈牙，配上特製的醬汁和豐富的配料，辣醬真係好惹味，麻麻辣辣，十分開胃。蒜泥白肉，個人食豬肉片最怕有豬味，但係尼個蒜泥白肉絕對冇尼種豬味，薄薄嘅肉片肥瘦均勻，加埋辣辣嘅蒜泥醬汁，一個字正👍🏻至於熱菜我哋就揀咗水煮魚同埋川式椒鹽蝦要食最正宗嘅水煮魚就一定要試吓四姐嘅招牌沸騰水煮魚，魚肉嫩滑之餘，配搭秘制嘅辣汁，大量嘅豆芽配埋嫩滑魚肉，簡直系一流享受啊！川式椒鹽蝦蝦炸得超鬆脆，大量蔥粒和椒鹽兜勻整隻蝦，但係又唔會搶走蝦嘅鮮味，連殼食都冇問題，超惹味。