龍鳳店

Open Now

Now Closed

夜晚收工，特登走去元朗舊區呢間馳名既炒蛋店食下。呢期傳媒都不斷有報道，咩新假期呀、果籽呀...作為個「蛋控」，一定要去食下啦！間舖得一兩張枱，所以我都唔打算堂食而外賣走。本來想叫期待已久既鵝肝炒蛋治，當時得一個姐姐，佢話賣晒鵝肝了，就問我試唔試大啡菇蛋治。見餐牌無，可能係d隱藏menu，我就話好。出面係條窄既行人路，企位唔多，我都係企係隔離地產舖度等外賣。等左15分鐘，唔算快又唔算耐，就拎得了。返到梗係馬上試食！個蛋炒得超靚！又細又滑，入口即融。黑松露都係果隻味。大啡菇同蛋都幾夾，有咬口。炒蛋入面既麵包濕濕軟軟，好正。但當然唔係個個中意濕麵包，我就ok既。加多廿蚊叫左個又係好多媒體報導既凍伯爵奶茶，佢都係係舖頭個雪櫃雪好左一支支咁拎出黎。味道個人覺得好一般啦，唔洗試都得，同普通餐廳無分別，又有d貴。