御品千の味刺身壽司專門店 (美居中心)

Open Now

Now Closed

有唔同種類嘅壽司拼盤，仲有各式各樣嘅丼飯，日本料理等等，而且價錢都非常合理，佢嘅種類真係好多，令到我同個friend都花多眼亂，最後我哋揀咗兩個丼飯、一個壽司拼盤同埋幾款壽司仲有一個日式餃子，嘢飲方面，就揀咗兩罐零脂肪零卡路里零糖嘅汽水，首先講吓嗰兩個丼飯，我嗰個五色丼飯，入邊有三款魚嘅刺身，一隻大赤蝦同埋三文魚子，佢嘅吞拿魚刺身非常新鮮，加埋嗰隻大赤蝦，非常甜，又大隻，份量亦唔細，食完又好味又飽，壽司方面，我最鍾意就係佢個海膽軍艦同埋赤貝壽司，海膽新鮮有海水味而且非常之甜，赤貝顏色鮮明，就知道佢用料新鮮，個壽司拼盤，有赤身吞拿魚刺身壽司、吞拿魚蓉軍艦、魚子壽司、兩款蝦壽司同埋芥辣八爪魚軍艦，一個拼盤滿足晒咁多個願望，非常正，整體而言，我覺得外賣壽司有呢啲質素，實在非常難得，要經過依間嘢大家不妨入去買下外賣，會令你有意外驚喜。