豚道樂 (百合苑商場) (Closed)

🍴豚道樂@黃埔🍴 聽講黃埔有間拉麵好好食，前排因為租約問題仲差啲結業。好彩店主續約成功先比我試到呢一間我覺得喺香港來講數一數二好食嘅拉麵店😋😋😋😋仲要好有日本嘅味道！------------------------------ 🔵原味豚骨拉麵$72一嚟就梗係試吓原味拉麵睇吓有幾出色先。第一樣嘢梗係飲番啖湯。嘩！超濃味呀，有少少似食緊沾麵嘅感覺好正。完全食得到店主花咗好多心機去研發個湯底，啱晒重口味嘅朋友。叉燒好香又唔會太瘦。真係好好食好推薦！小編係會再嚟食多一次嘅😬🟢鯛蜆白湯配煙燻叉燒拉麵$90 （期間限定）見到呢款好似好吸引所以就試咗呢一個期間限定嘅拉麵。第一啖飲落口，真係好重魚味既湯，反而唔係好食到蜆味。呢個湯底都幾鮮甜，如果鍾意飲魚湯嘅朋友我相信都會好鍾意。不過提提大家，記得快啲食咗碗麵，因為放耐左覺得有少少腥。🔵炸物盛盒 $69入面有吉列蝦，炸蠔，炸芝士，超級豐富。小編仲另外叫咗一個牛肉薯餅。炸粉唔會好口，好香脆。炸蝦差不多有一把間尺咁長，超大隻，好抵食呀！------------------------------ 好食度：9️⃣/🔟抵食度：💸💸💸💸💸打卡度：📷📷📷 📷舒適度：🛋